Geguritan

MAWAR MERAH

                                                                             

Dak sawang, kaya-kaya wis ora abang...

Nanging jarene wangun kagadhang dadi saka guruning bangsa !!!

Sapa kang paring warna ?

Dudu putih, dudu ireng, dudu pethak, dudu cemeng...

Anggak ngaku-aku melu ndarbeni

Critane... lakumu sakwayah-wayah

Awan-awan nalikane jago-jago wegah kluruk

Sore-sore nalikane randha-randha padha mbobot

Saya bengi sangsaya wangi...

Temumpang garan-garan pacul nggegirisi

Dak sawang...

Abangmu abang dubang

Wangimu wangi menyan....

                                                            Bagelen, 2010